老婆郭思琳陀B行街被人撞親 吳浩康大驚：成班人衝過嚟
撰文：吳子生
出版：更新：
吳浩康（Deep）今日（3/5）現身將軍澳電視城出席無綫音樂節目《勁歌金曲》錄影。提到即將為人父，太太郭思琳預產期在9月，阿Deep表示心情興奮：「而家陸續買緊BB嘅用品、因為太太唯一能夠做嘅嘢就係上網買嘢，始終佢又唔可以走圍走去買嘢。不過，試過有次我同佢行緊街嘅時候，突然迎面成班人衝過嚟撞到佢，嗰一刻我真係好驚佢整親，相信嗰班年青人唔係有心，因為佢啲手腳仲係好纖瘦，睇落去佢個身形真係唔似一個孕婦，事件發生咗之後我就同佢講，以後行街就要頂住佢肚行，等其他人知佢係大肚婆，咁樣會比較安全啲。」