《愛·回家》「言少」林子超自爆收入　非TVB親生仔冇底薪唔夠錢用

無綫（TVB）藝人，於處境喜劇《愛·回家之開心速遞》飾演「言少」的林子超（Andy）近日於個人YouTube頻道拍片大爆過往收入。Andy 21歲時曾效力Now TV，他透露當年以「包騷」形式受聘於Now TV，一個月14個騷，一個騷收入為1000元，一個月工作14日，換言之一個月便有14,000元收入，他認為對一個畢業生來說，收入算是相當不俗。不過工作時數則不定，無論工作多少小時，一個騷都只有1000元收入。Andy坦言其他時間會做司儀、主持賺外快。

Andy離開Now TV後，簽TVB基本藝人合約，以及簽邵氏經理人合約。Andy坦言TVB拍劇計法是半小時為一個騷，他說：「好搞笑嘅係，只要頭半個鐘我出現一隻手指就算係一個騷，但頭半個鐘內你由8點半到9點都見到我，可能我係拍咗好多日，但我亮相一分鐘、一秒鐘，都係一個騷。」至於綜藝則是亮相多久都當一個騷，但Andy聽說如果騷太長，可以當多個騷計算。

另外，非TVB「親生仔」的Andy沒有月薪及底薪，問到收入會否不夠用，Andy爽快承認：「其實係真係唔夠食。」故現在他會教跳舞賺外快。Andy續表示為做演員不介意捱辛苦，他說：「試過拍劇2、3點化妝，拍到第二日朝早放早餐，我準備情緒嗰陣就放早餐。但你冇得䒐䒏，因為你見到所有一線演員都喺度等緊。」

睇林子超於《愛·回家》演出：