雙生陌生人︱徐榮演智障人士老婆面前扮低能被罵：佢叫我死開！
撰文：吳子生
出版：更新：
徐榮今日（30/4）現身電視城出席無綫劇集《雙生陌生人》宣傳活動。徐榮透露在劇中飾演一名智力障礙人士，智商只有十歲，而且對性有強大的慾望，因而闖出不少鬧劇：「呢個角色係幾好玩，雖然智商得十歲，但生理同心理就有十幾歲，因為佢見到女仔會好奇嘅，好玩就係呢度喇。哈哈！咁變咗佢有好多時就會控制唔到。（個角色係咪做番自己！）哈哈！有一部份啦！因為我都有童真嘅一面。我試過喺我老婆面前試戲扮低能，我老婆一手隔開我叫我死開，哈哈！連佢都頂我唔順。（劇中攞正牌抽水？）係有嘅，但係想囉，因為湯洛雯係會制止我，所以結果係抽唔到嘅。」