蔣家旻否認曾與敖嘉年暗撻兼共度春宵：冇單獨上過佢屋企！
撰文：吳子生
出版：更新：
蔣家旻今日（30/4）現身電視城出席無綫（TVB）劇集《雙生陌生人》宣傳活動。提到早前被指與已與前妻離婚三年多的敖嘉年暗撻，蔣家旻對傳言感到莫名其妙：「其實一聽就知就係假啦。我想講我而家係單身，我驚咁樣傳緋聞啲人以為我有拖拍呀。（話你上過佢屋企！）之前係上過去，我哋係一班人去嘅。我係冇單獨上過去嘅。（大家識咗幾耐？）其實我認識佢有7年時間，當時我新人嘅時候，我哋合作拍《飛虎》劇集識，但就唔熟。之後係喺近年合作《欺詐劇團》熟咗。（同佢會唔會有觸電感覺？）冇，我哋係好好嘅朋友。」