曾江代言染髮劑成首位電視藝員賣廣告　播足四十多年有段古

4月27日下午傳出曾江被發現倒斃於尖沙咀一間指定檢疫酒店房間內，終年87歲，死因仍有待確認。提起曾江不禁聯想起他主演的染髮廣告，播足四十多年原來有段古。

「逐漸變黑又得，立即變黑晒亦得，得咗﹗」街知巷聞的廣告對白，拍攝於1976年的「美源髮采」廣告，至今仍會於電視播放。惟廣告商當年已經「賣斷」播放權給廣告公司，用當年簽合同冇寫明播送期限，以致廣告由曾江後生嗰陣播到老，曾江都冇聲出，亦冇得分紅，他曾在接受訪問時指自己應該是首位電視藝員賣廣告，當年無知做成無間斷播放亦無可奈何。至大約十年前曾江為另一染髮品牌代言時廣告更抽水，搵路人甲問曾江:「你仲係用緊嗰隻染髮呀？」