婚後事｜陳自瑤同黎諾懿拍親熱戲嘴都腫晒：唔係點到即止嗰隻！

陳自瑤（Yoyo)今日（26/4）現身電視城出席無綫劇集《婚後事》造型記者會。首次擔正做女一的Yoyo坦言接拍此劇大感有壓力：「其實呢個嘅劇本真係幾難演，當中裡面有太多嘅感情位同情緒位，又會有好多喊戲同崩潰戲，故事裡面有錯綜複雜嘅關係，有出軌，不忠背叛等元素係入面，咁所以情緒上面係好起伏。而每次拍完之後精神上係好攰亦好大感受，試過拍完返到屋企，個情緒仲未抽離，跟住會喺屋企喊，講真我拍劇咁耐真係未試過咁樣，真係第一次。」

此外，陳自瑤透露在劇中與黎諾懿拍親熱戲時，搞到嘴唇腫晒：「其實我同佢拍嗰場親熱戲，並唔係點到即止嗰隻。記得有一晚我哋拍錫戲，竟然係拍咗成晚，係拍到個嘴好攰，係拍到個嘴腫晒，咁所以啲親熱戲唔好諗住咁浪漫，其實係好辛苦㗎。」