開心速遞｜傳張景淳獲解凍 靠呂慧儀發功：我做細嘅邊有咁好牙力
撰文：吳子生
出版：更新：
張景淳早前被指因開工經常遲到，辣㷫珍姐衝入廠捉人當場斷正。事後被飛出《愛回家之開心速遞》劇組。如今事隔多個月，有傳劇中演他老婆「熊若水」的呂慧儀有份幫口說好話，可讓他重回劇組。而今日（22/4）《愛回家之開心速遞》在電視城舉行宣傳活動，依然沒見張景淳身影。
對於張景淳何時返劇組，呂慧儀接受《香港01》訪問時表示：「出面傳我喺後面講好話，其實我哋呢啲做細嘅邊有咁好牙力呀！其實唔關事嘅。而我覺得編劇又或者成個劇本都有佢嘅安排，我哋係未必知嘅。而我哋演員只係做返好佢哋排好嘅劇本而去做。」慧儀續說：「其實而家睇返一個小別勝新婚都係好開心嘅，因為之前有好多結婚嘅場口，咁而家有一個位可以俾大家去沉澱，然之後等佢再返嚟嘅時候，就會勾起返大家啲回憶，大家就會再睇得上心啲。」