【真民調】「師奶劇」真係得c9睇？　女大學生：有成套《溏心》碟

「師奶劇」之所以叫「師奶劇」，當然是最合師奶口味的電視劇，之不過師奶是否一定睇「師奶劇」？非師奶類又睇唔睇「師奶劇」呢？我們為尋求答案，做了個無聊非正式統計民意調查，看看「師奶劇」有幾受歡迎。

我們發現「師奶劇」的確好有市場，大部份受訪師奶都有追看，絕大原因是慣性開電視，播甚麼就看甚麼，其實都沒甚留意劇情。有師奶只記得一些慣性劇情，如女角被強姦、阿媽煮麵畀仔食等經常出現，建議電視台改一改。

師奶之外，原來年輕一輩都會看「師奶劇」，有讀大專的女被訪者不斷避鏡頭，卻禁不住告訴記者最愛看是《溏心風暴》，又很喜歡陳豪和陳法拉，一記起自己買過《溏心風暴》的vcd，即低頭大叫：「我有碟，好羞家呀我覺得自己！」反應大到同行的同學都大笑。

又年青男大專生則最記得《巨輪２》鷲哥的金句「臭雞」，形容為：「好勁吖嘛！」吳岱融這句的確好深入民心呀 !