45歲楊張新悅回應年紀大仍箍牙原因 認辛苦：我已經箍過3次牙
撰文：黃欣華
出版：更新：
現年45歲的楊張新悅（原名：張燊悅）於2017年嫁給區議員楊哲安，婚後育有4名女兒的她淡出娛圈，但仍不時活躍於社交平台。最近有網民發現她箍牙，對此她就大方分享自己過往3次箍牙的經驗。
雖然年過40，但楊張新悅仍然表示箍牙是非常值得：「其實我已經箍過3次牙㗎啦。第一次喺我11、12歲，第二次喺我結婚之前，第三次就係而家喇！點解要箍第3次？第一次變咗啦，因為長大。第二次就係箍牙失敗，箍嚟箍去都箍唔到，因為係用透明膠嗰個扣，我發覺好唔適合自己。今次我就用返原本鐵嗰種嚟箍，效果好好，我自己都好開心，用咗半年左右，而入面仲有個固定嘅圈，醫生同我講話大慨會放5年。」
至於被問年紀大為何還箍牙，楊張新悅稱：「我覺得除咗小朋友要箍之外，因為女人年紀大更加要喺呢段時間箍牙，除咗美觀之外，牙齒健康都好重要。越整齊嘅牙齒，保護係絕對容易啲，牙齒都係好寶貴。」楊張新悅更明言箍牙從來都是辛苦，無論任何年紀都是一樣的感覺。
點撃下圖睇少奶奶豪宅生活：
+13