【迷】簡淑兒同學都係靚新人 長腿陳潁熙 ：成日做學生妹好悶
《迷》收視平均得22點，但收視不代表劇集質素，《迷》幾受網友歡迎，其中一個原因是女神簡淑兒Jessica有份，不過簡淑兒劇中隨時要死，網友可能失去了一個追看點，亦可能令《迷》收視進一步受壓。但網民是貪心的，在留意簡淑兒期間，亦留意了劇中好友琪琪(陳潁熙飾)，即是奸角Sam(陳嘉輝飾)個女，雖然演技還有好大進步空間，但令網民有印象，就已經成功一半，不少網民覺得她有點像郭晶晶，不過陳潁熙接受《香港01》訪問時，只擔心網民覺得她太肥，她說:「郭晶晶？唔知喎，我剩係想知有冇人覺得我好肥？我19歲入訓練班囉，同期係何廣沛，今次都好好彩，助導揀咗幾個俾監製揀，我聽講係覺得我個樣細個，所以有份，其實我成日做學生妹㗎，多到唔記得咗，我想做啲有挑戰性嘅角色，好似做鷲哥對手，好想同佢合作，(要又俾佢摑喎?)俾佢鬧、摑都唔驚，做戲啫，成日做學生妹好悶。」
23歲陳潁熙Niki中五畢業後，做過一些文職就入行，自少就愛唱歌及表演，在無綫捱嘅期間，亦跟老師學唱歌，在其facebook亦有上載自己唱歌片段，不過在無綫4年其實都越做越灰心，直到《迷》琪琪這個角色出現，她說:「都諗緊4年都係咁….好快又26歲咁點算呢?路人甲乙丙都做咗好耐，妓女、美女又演過，其實都唔知點算，呢次好彩囉，如果有短期目標，梗係想好似簡淑兒咁啦，又受歡迎，又開始有人覺得識做戲，如果做到阿田咁就最開心，做戲好又鍚新人，記得第二集我要數錢，但做得唔好，阿田即場示範俾我睇應該點做，有場我要開門，但咁簡單我都做唔到，佢又示範俾我睇，開完門之後眼神要望向邊，又成日同人講笑，令成個工作環境氣氛好好，如果自己有佢一成都好啦。(《迷》之後又要做返路人甲?咁點算?)冇得驚，已經係啦，哈哈，《深宮計》都係做宮女，新人就係要等機會。其實我已經俾其他人幸運。」