唐文龍拍《溏心3》狂通宵　47歲唔怕捱殘：殘都開心啦！

唐文龍昨晚到尖沙嘴出席電影《Logan》首映禮，現時忙於拍攝劇集《溏心風暴3》的他，都顯得略為疲倦，雙眼紅紅。問到回到娘家TVB拍劇係咪唔慣？他透露只是最近要拍攝多場通宵戲，「其實以前係大陸拍戲都經常拍通宵戲，小睡片刻起身雙眼就會紅。（係咪俾TVB整殘咗？）殘都開心啦！」劇中主要與胡琳及陳敏之有感情線的唐文龍，他透露接下來將會與陳敏之有親密戲，至於有幾激？他笑言要大家拭目而待，「如果只是拍返工放工講下對白，唔曲折離奇一下，觀眾就會無興趣睇。」

而同場的宣萱被問到舊愛張衞健亦重返無綫拍劇集，她指舊一輩的演員回TVB拍劇是好事，至於會否介意與對方合作？她表示「不介意，但要視乎劇本同機會。」還有兩天就拍攝完劇集《使徒行者2》的她，問到之後會否在接劇？宣萱指今次拍劇時有足夠時間休息，但最開心是與陳豪有對手戲，算是完成了心願，她表示十多年前已恨與對方合作，但今次戲份不多，希望下次可以再合作。