臨時失業支援│71歲黎彼得失業竟然唔夠資格申請：Over咗
撰文：林迅景
出版：更新：
《愛回家之開心速遞》飾演「豹叔」的黎彼得，4個月前因為入院做「通波仔」手術而令經濟出現問題，康復後致電TVB珍姐及有關部門要求復工又被冷待，幸好「手停口停」之下得到大劉（劉鑾雄）義助支持，全額律貼他的手術費及生活費。近日他表示11月才與TVB約滿，亦不用「還騷」，明言已不願意「委曲求全」要求復工，說：「又搖尾乞憐？咪X啦！」近日《愛回家之開心速遞》的維基頁面亦顯示黎彼得已離開劇組。
今日（18/03）政府推出「臨時失業支援」一筆過的1萬元資助計劃，黎彼得（Peter哥）接受《香港01》訪問時明言不會申請，說：「我梗係唔會啦，Over咗，得X閒咩，杯水車薪！」問到他會不會回《愛》，他直言：「嘥氣啦，疫情咁樣都唔會我返，而家叫都唔返。粗口都講埋，佢哋一個電話都冇搵我。幾廿歲人唔好搞阿叔啦。」
他亦透露，兒子身在南京就讀中醫學科，預計暑假就會回港探望他，說：「佢暑假就會返嚟，讀咗幾年書㗎啦，前前後後都使咗百幾萬，一個月生活費都一、二萬啦。」畢業了嗎？他笑言：「好彩嘅話就係（下年），唔知佢仲使唔使實習。」