馬賽素顏拍片分享養生之道　身後桑拿屋更吸晴

前港姐季軍馬賽（現改名為馬菀迎），近年移居內地，去年復出拍劇之餘，亦開始經營網店，不時喺小紅書拍片分享養生之道。日前佢拍片分享護膚心得時，佢身後嘅桑拿屋就吸引了不少網民關注，甚至有人留言問：「家裡有汗蒸房？」馬賽亦都有回覆，並表示：「很少用」。

其實呢類家用桑拿屋淘寶都有唔少，價值由三千至過萬人民幣都有，比起JW日前喺IG分享嘅單人汗蒸箱實用性更強，但相對地佔用空間亦更多。