ViuTV節目抽水TVB擬「閉環式管理」　沈殷怡表示唔OK︰我要返屋企

本港第五波疫情嚴峻，而早前TVB電視城台前幕後的工作人員亦有確診新冠肺炎的個案。所以有傳TVB將推出「閉環式管理」，即是召集台前幕後過百位同事接受3日檢測，若果無事便可以進入電視城開工，不過之後要有約三星期的時間不能離開電視城，TVB已特意在電視城內擴充沖涼、睡覺的空間，並會提供食物和日用品。另一間電視台ViuTV在《今日疫情》的節目內，就不點名提到此事。

虞逸峯表示︰「某電視台都想將啲藝人放喺電視城嗰度，閉環式管理。」又問另一位主持沈殷怡（Shirley）接不接受這種工作模式。Shirley聞言即說︰「我唔OK，你知啦，我上有父母，下有細佬，仲有貓貓狗狗、雀要照顧，我諗我真係要返屋企嘅其實！」虞逸峯就覺得可以，他說︰「我好熱愛工作你知啦，如果喺呢個空間度可以不停咁做嘢，可以拍一啲處境劇，我帶埋我隻狗嚟，一齊入鏡計show都OK！」

Shirley即刻搞笑的說︰「或者你可以學我同Yoshi（余逸思）咁樣，拍『綑綁40』（意指節目《貼身36》），我哋一齊『綑綁360』好冇啊？」

點擊下圖睇吓Shirley嘅靚相︰