家族榮耀｜陳曼娜鬧葉彩薇口誤變葉子楣 郭政鴻：Cut機後笑到死
撰文：林迅景
出版：更新：
無綫（TVB）劇集集《家族榮耀》熱播當中，早前（3月4日）一集中熊黛林因被楊茜堯「使橫手」揭發她的醜事， 面對眾家人的指責時更加情緒崩潰。郭政鴻就大爆該一場戲的經典事，指這是他從影而來最深刻的一幕。
他說：「呢場咁重要嘅戲，其實中間有個插曲，中間咪 Manna 姐（陳曼娜）罵熊黛林嘅，大家都喊晒，因為情緒好高漲，但係有一樣嘢就係Manna 姐講錯對白。佢叫阿Lin（熊黛林），即係劇入面個名『葉彩薇』，跟住佢好激動咁做佢做『葉子楣』，哈哈哈。我哋全世界當堂打咗個突，當時大家又喊晒，但係又要忍住。嘩，一cut咗機我哋笑到死。」
他表示，最難忘的地方是心情猶如過山車一樣，由悲傷變成爆笑，說：「呢場戲真係笑住嚟喊，喊住嚟笑。阿Lin平復唔到，但係我同謙仔（羅子溢）係笑到。真係由地獄上天堂，再由天堂落返地獄咁。阿Lin又喊緊，大家又唔敢怠慢，唔敢笑。自己啲臉部肌肉真係唔知點反應。」
同場加映：家族榮耀｜熊黛林發癲超多潛力圖 網民：呢個角色好有娛樂性
點擊下圖逐格重溫：
+59