「幣少爺」黃鉦傑消聲匿跡兩年　近況曝光豪住九肚山洋房

自稱「幣少爺」的黃鉦傑因2018年年尾，在深水埗鬧市中「掟錢」及「派錢」而聲名大噪，他更不時大曬其西貢獨立屋、跑車林寶堅尼及綁成一塊塊磚頭般現金的富貴生活。惟過去兩年，突然消聲匿跡，原來他目前已跨過界化身為Rapper（饒舌歌手），實行聽歌學炒幣，最近「幣少爺」更接受香港開電視訪問，帶大家參觀其九肚山豪宅。

「幣少爺」目前租住沙田九肚山豪宅「富豪．山峯」洋房，實用面積2,968方呎，樓高2層，2樓為房間樓層，地下設客飯廳，環境極致開揚、居高臨下，將沙田山水美景盡收眼底，月租約16萬左右。

點撃下圖逐格睇有幾豪：

「幣少爺」在訪問自稱因患上情緒病而轉趨低調：「2019左右，有少少情緒病，亦都因為咁樣唔係咁鍾意蒲頭。幾年前就俾人鬧呀、唾棄，其實都好影響我情緒，因為我覺得最大問題係你指責我個人我覺得冇咩問題，但指責晒我身邊嘅朋友同屋企人，我覺得好對唔住佢哋，當時嗰一刻嘅情緒，直到而家咁多人撐我，Fans呀，甚至有同道中人，令到我覺得自己唔係異類，個人係會開心返好多。」