湯洛雯發惡夢狂洗手　開口中無綫所有劇組全面停工

湯洛雯早前為新劇《隱門》拍劇照，由於本港疫情嚴峻加上電視城多人確診，湯洛雯透露自己更發惡夢狂洗手：「我未見過自己咁驚一樣嘢，我噚日發惡夢係關於疫情，自己不停係度洗手，周圍都有事嚇到我好驚，今朝起身嗰陣我都出晒汗，覺得自己好疲勞轟炸，好辛苦。」為了健康和減少染疫風險，湯洛雯更瘋狂鑽研食譜，不時為男友馬國明下廚：「佢唔煮嘢食，連打邊爐準備材料都唔識。」

而湯洛雯亦開口中，無綫稱今日（24日）收到幾位職藝員同事通知發現初步確診，為保障職藝員同事安全及避免社區交叉傳播，已即時停止所有戲劇組錄影廠及外景拍攝工作。