Omicron |丁可欣排隊做強檢疑似中招：而家病埋頭又痛

本港連日來不斷有新增確診個案，有部份地區及範圍納入強制檢測。因此有過百市民紛紛趕到就近檢測站排隊做檢測，但有街坊不滿安排混亂，苦等多個小時仍未完成檢測，引起在場人士鼓譟。昨日（10/2）丁可欣就親歷排隊痛苦做檢測滋味，不忘在IG大吐苦水：「住個度有人中咗 ，要強制檢測 。帶婆婆公公去排隊 ，排咗五個幾六個鐘 ，頭四個鐘一路排都未入到體育館入邊， 一路排一路吹風 ，已經叫兩個老人家坐住喺側邊等 ，但老人家連坐都坐到攰 ，仲要見到身邊好多小朋友老人家 ，或者啲媽咪抱住個BB喺度等冇人幫到佢哋排企足四五個鐘 ，咁樣搞法幾百人集埋晒一齊 ，真係仲危險 ，冇感染都分分鐘受感染埋一份 。多謝咁排隊吹風法 ，而家自己都病埋 ，頭又痛 ，已經好無奈 ，冇乜嘢好講 ，亦都唔想再講任何嘢 。希望大家身體健康 ，平安無事 。」