不可能任務｜吳紫韻特訓過程周身瘀傷：訓練到好似機械人

《3日2夜》女主持吳紫韻（Purple）今日（9/2）現身電視城出席無綫節目《不可能任務》記者會。purple接受完一連特種部隊訓練，大呻好辛苦：「我係冇諗過會有人訓練到好似機械人咁囉。因為我哋要分別用左右手舉三個鐘三十磅嘅啞鈴，呢個訓練只係其中一部份，而我哋每次特訓嘅時都會搞到成身汗，啲衫褲都會濕晒，而且都會搞到周身瘀傷，而呢個都係基本嘢，咁所以成個訓練過程真係好辛苦。」

提到早前斥資近2千萬買入大埔白石角新盤浪濤一個面積逾千尺三房單位榮升做新業主。Purple笑言：「其實個樓價都比較大，都係屋企幫手，咁所以一個人係無法負擔得到嘅。所以而家幾咁不可能嘅任務我都要去做，始終都會有壓力，因為供款要自己，咁所以而家要節衣縮食唔買袋，相反要將啲手袋賣番出去。」