陳展鵬解釋愛妻送箭豬蛋糕賀生日原因：佢知自己成日拮到我會痛
撰文：吳子生
出版：更新：
陳展鵬今日（18/1）現身將軍澳電視城出席熱播劇集《鐵拳英雄》宣傳造勢活動。提到日前45歲生辰，愛妻單文柔親手為他製作箭豬生日蛋糕，連同愛女小豬比一家三口慶祝甜蜜滿瀉。展鵬笑言箭豬蛋糕價值連城：「因為太太佢做呢個蛋糕都成十個鐘，因為佢要將啲箭，逐支插拮入個身度，而且唔可以過度大力，少啲心機都唔得。聽朋友講，搵人整呢個蛋糕唔收返十萬都冇人肯整。（點解要送箭豬蛋糕？）因為箭豬拮到人會痛，佢知道佢成日拮到我會痛，咁所以佢就咗呢隻箭豬俾我，佢都真係幾用心機㗎。」