萬千星輝2021｜曾志偉鏡頭前被影到瞌眼瞓 親解釋：只係嗰一剎那
撰文：吳子生
出版：更新：
TVB《萬千星輝頒獎典禮2021》日前經已圓滿結束，各個獎項已名花有主。而當晚競逐視帝視后寶座獎項最矚目之外，其實鏡頭前後的花絮亦同樣精彩。就好似一眾藝人在趁節目賣廣告時段，就被鏡頭捕捉到補妝整理儀容，而身位無綫高層的曾志偉亦不能幸免，被影到在嘉賓席上瞌眼瞓。事後有網民留言：「曾志偉都冇眼睇個結果」、「個節目有幾好睇，睇曾生就知啦」等等。
而志偉日前現身《2022北京冬季奧運會》記者會時，被問到為何在頒獎禮上瞌眼瞓？志偉表現驚訝：「乜我有被人影到咩？喺邊個項目呀？人總會眨眼嘅，係咪只係嗰一剎那咋！你問我係咪瞌眼瞓，咁梗係唔係啦！」