愛上我的衰神｜胡鴻鈞被網民寸爆顏值低演技差：會自我檢討。

今日（4/1）胡鴻鈞和陳嘉慧（Erica）尖沙咀街頭出席無綫劇集《愛上我的衰神》之「凡人衰神快閃迎2022」活動。提到今次為第二套劇《愛上我的衰神》擔正做男主角，食住上一套《十月初五的月光》的氣勢緊接播出街。但不過就有網民似乎並不受落，留言寸爆：「又有胡鴻鈞、死開啦」等負評。

胡鴻鈞就此事接受《香港01》訪問時說：「其實我都有睇到相關留言，有啲話呢個男主角唔得，又話我顏值太低，又話我演技又差，又或者話唔想見到佢呢啲咁嘅說話。不過我睇完之後都冇留言回應，只係深深咁收喺心入面，唯有咁默默傷心，獨自流淚。但都自我檢討，點解會有呢啲負評。」講到擇偶條件，Erica自言喜歡高大成熟男仔：「其實年紀大過我十年嘅男仔我都冇所謂，最緊要係考順父母。好可惜而家我仲未遇到呢個意中人。」