萬千星輝2021｜林夏薇奪視后惹爭議 曾志偉無奈：我心水係黃智雯
撰文：吳子生
出版：更新：
《萬千星輝頒獎典禮2022》日前經已圓滿結束，各個獎項亦塵埃落定。視帝視后分別由譚俊彥及林夏薇首度奪得。不過外界對林夏薇能擊敗鍾嘉欣首奪視后寶座就惹起爭議。有網民紛紛到社交平台留言表示失望，直指「無綫造馬，還鍾嘉欣一個視后」等。
今日（4/1）曾志偉現身尖沙咀出席《2022北京冬季奧運會》記者會，就上述事件接受《香港01》訪問時說：「其實我哋唔會一個人去投票，係會一大班人去討論，而大部份嘅獎項都係觀眾同工作人員嘅票數。而好記得臨收票數嗰個禮拜，公司所有員工都有足夠時間去投票，咁所以佢哋嘅票數佔嘅比例都好大。（你本身心水視后係邊個？）其實我心水係黃智雯。其實佢喺台慶嘅表現都好好，而另外佢喺劇集嘅演文戲都好出色，亦喺其他劇都有好表現，而我都有讚過佢。咁但係始終幾個人開會，各個人心水都唔同，咁所以經過討論先知。」