全民造星IV丨Ash鍾卓穎發文承認已離婚︰由衷想對方成為更好的人
撰文：洪曉璇
出版：更新：
ViuTV選秀真人騷《全民造星IV》總決賽早於聖誕節圓滿結束，三甲Marf、阿Gao及Day直入女團，其餘女團成員仍未知數。當中於分組賽第一回合就出局的23歲人妻Ash（鍾卓穎），雖然早早出局但擁超高人氣。突然傳出Ash前夫在社交平台透露已離婚，Ash亦於1月3日清晨發文承認已離婚。
點擊睇Ash前夫離婚情深道別：
+19
Ash在參賽《全民造星IV》期間爆出已婚，並表示得到丈夫的全力支持，未料總決賽過後卻傳出離婚消息。Ash前夫貼出當日跟Ash的註冊結婚相，一連3篇留言公布離婚消息並表示會回台灣。Ash於1月3日清晨在IG STORY發文承認已離婚：「感情係兩個人之間嘅事情，我哋由朋友關係認識到今日，而無可奈何地要結束呢段關係，過程有開心有眼淚付出同回憶。我哋和平達成共識，分開係由衷地想對方往後成為更好的人，亦祝福對方可以過得順心順利，由於呢個決定係不久之前作出，一直有家人同摯友陪伴都想低調處理，因為彼此不多不少，都承受咗一定心理壓力，希望大家畀啲空間我哋去消化處理。」
+15