2022跨年｜王浩信台上一句整喊C君　爆17年前茶餐廳窮到冇錢食麵

昨日（31/12）王浩信、戴祖儀、胡鴻鈞、馮盈盈和農夫等人出席中環舉行的2022跨年活動，台上王浩信見到C君時，說：「我哋又一齊企喺台上。」站在一旁的C君就突然有點眼濕濕。在後續的環節，C君就解釋了其中的原因。

C君在台上和大分享了一件陳年舊事：「我同浩信相識咗17年，我哋喺17年前，當然大家都係一個新仔，有一個好差嘅收入。有一晚去咗間茶餐廳食麵。」王浩信：「點解會一齊食，係因為我哋會約埋一齊打籃球，之後就會去一間食麵嘅地方。」C君續說：「跟住我哋去呢間餐廳，唔止我哋同仲有幾位朋友一齊食呢餐飯，但係當年我哋4個人係搵晒全身所有銀包，加埋都唔夠錢埋嗰一張單。喺17年前唔錢埋夠嗰一張單，然之後去到幾年前一個頒獎禮上面，我係主持，浩信係視帝。再去到今晚，我一路話會陪住大家過新年，其實反而係大家陪住我哋過。」