陶大宇網上開騷　願與G.E.M.合作：佢敢同我唱我敢同佢partner

憑「水潑式」台風獻唱《倒轉地球》人氣再度急升的陶大宇，成功唱出事業新高峰，更舉行《買轉地球陶大宇演唱會》網上音樂會，直播騷中大宇以紅衣上陣非常興奮連唱三首歌，更回應網友指有興趣出碟及與G.E.M.鄧紫棋合作﹗

早前陶大宇驚喜現身《歡樂滿東華》，以預先錄製短片大唱《倒轉地球》HIGH爆全場。12月30日晚陶大宇現身網上演唱會，主持袁潔儀笑着讀出網民「耳朵流產」的留言，大宇又講笑指有人建議他1月1日上叱咤，但未有回應是否確實。網民提議他與G.E.M.鄧紫棋合作，大宇笑言：「佢敢同我唱，我敢同佢partner。好榮幸自己拍電視劇出身的演員可以在唱歌上有話題，不理好與壞，好的當然開心，壞的當動力做好。」亦有人提議他同劉德華合唱，他笑說：「打攪佢咁耐，唔好意思。佢好多fans，有生命危險。」網民問他何時出碟？他說：「若有唱片公司同我癲，我會同佢癲，係巔峰個『巔』。」

點擊睇大宇唱《倒轉地球》有幾high：