新春開運王︱麥玲玲虎年睇好屬水港股板塊：種植、出版會辛苦少少

著名堪輿學家麥玲玲（玲玲姐）今日（30/12）現身將軍澳電視城出席無綫（TVB）新春賀年《新春開運王》記者會。談到香港未來經濟前景，玲玲姐表示：「今年虎年做生意同炒賣嘅大家都好活躍，不過就財旺身弱，意思就係機會多，而我哋究竟把唔把握得到，同留唔留到錢呢？就係一個問題，同埋佢起落都好大。咁所以無論做生意做炒賣嘅都要見好就收啦。」

另外，玲玲姐亦提到正月、農曆7月和10月變動比較大，大家要格外留意。至於港股方面，玲玲姐普遍看好屬水行業板塊，例如旅遊，運輸業等：「反而屬木嘅行業就好似汰弱留強，如種植、出版嘅會比較辛苦少少，而金融都會好嘅，但虛擬貨幣嘅產品係會受到衝擊，所以大家就要留意。而地產方面都唔差，係幾穩步上揚。」