愛上我的衰神｜胡鴻鈞拍咀戲慘食檸檬被陳嘉慧推開：我會返去檢討

胡鴻鈞（Hubert）和陳嘉慧（Erica）今日（23/12）現身荃灣出席無綫（TVB）奇幻愛情喜劇《愛上我的衰神》宣傳活動。談到她入行短短四年，便極速上位擔正做劇集女一，Erica腼腆的指住旁邊的Hubert說：「好感恩有你啦，同埋好感恩公司啦！」Hubert即時劃消界線說：「唔關我事嘅！唔係我揀嘅。」Erica口口窒續說：「如果你唔係呢套劇嘅男主角呢⋯⋯」Hubert插嘴說：「如果我唔係我，你就唔做，係咪呀？你就會推劇係咪呀？」搞到Erica一臉尷尬。

另外，Erica亦透露首次拍劇便獻出螢幕初吻給胡鴻鈞，自言在拍攝時非常緊張：「因為我從未試過拍咀戲，而嗰日埋位一開機個吓我真係好緊張，唔知點解本能反應會一手就推開咗佢，仲要嘩咗一聲、然後避開咗。」記者直指Hubert「食檸檬」後，Hubert笑言：「我都慣咗，我一陣會返去檢討下。」而Erica就買口乖說：「不過Hubert佢後尾叫做都有引導住我嘅。」Hubert反問她說：「我點引導到你呀？咪引導你快啲收工囉！哈哈！因為我哋都拍到成凌晨5點。」

點擊下圖觀看Erica活動靚相：