G風暴｜謝天華「秘密」返港送驚喜俾仔女：激嬲囡囡要慢慢氹
撰文：沈洛嘉
出版：更新：
風暴系列最終章《G風暴》由古天樂、張智霖、鄭嘉穎、宣萱、黃宗澤、謝天華今日（22/12）舉行首映禮，剛返港的謝天華率先接受傳媒訪問。
謝天華：「返咗嚟唔夠一個禮拜，走咗一段時間，返嚟屋企前就特登叫太太唔好通知仔女，睇下佢哋有咩反應。（有冇衝出嚟攬住你？）一開門就見到仔仔先，佢係好愕然，停咗2、3秒，點解爸爸返咗嚟咁嘅樣，之後當然攬住佢哋係咁啜。」
早前謝天華提及囡囡發嬲，他解釋：「真係冇辦法因為太忙，所以有幾日冇同佢視象，小朋友就係最直接㗎啦，咁就嬲咗我，咪唯有慢慢氹。（之前都有講到媽咪好掛住你啵）返到嚟第一日就即刻同佢食飯，今次會喺香港留到過埋農曆新年先再工作，特別返嚟過年。」