吳業坤同ViuTV藝人193食飯唔怕入雪櫃：我套劇仲播出街
撰文：吳子生
出版：更新：
吳業坤（坤哥）今日（16/12）現身觀塘出席無綫全新奇幻懸疑劇《異搜店》宣傳造勢活動。提到早前為譚玉瑛慶生日時，與ViuTV旗下藝人、ERROR成員193（郭嘉駿）和肥仔（梁業）攬頭攬頸影合照，似乎完全不擔心被公司照肺。坤哥笑言：「其實坊間就話同佢哋食飯，就要入雪櫃。而同女生食飯又話我偽毒，咁你問我點好呢？我點樣選擇朋友呢？咁所以我都唔會諗咁多喇，又唔會話擔心啲乜。（之前同佢哋食飯係有顧慮？）我同佢哋食過一次，但大家都覺得我會入雪櫃，但我而家套劇仲即刻播出街，咁即刻冇呢回事啦，坊間嘅傳言其實唔係嘅，所以唔好誤會我哋公司啦。」