陳法拉忙演出音樂劇　稱冇預備情人節禮物　

目前身在紐約上學的陳法拉除了應付學業之外，還不時應邀出席活動。就好似最近應時裝品牌kate spade邀請出席當地舉行的時裝展，身穿新一季品牌服裝的法拉，顯得神采飛揚花枝招展。愛情得意的她被問及情人節如何與㚈交官男友歡度？法拉就表示：「冇堂上，可以休息，也想計劃一下去玩，已買了兩張Cate Blanchett舞台劇飛。」是否跟男友一齊看？她鬼馬說：「我買咗兩張飛，睇下邊個同我睇啦。」會否期待男友給予驚喜？她說：「驚喜？咁我期待下。」

又問到有否預備情人節禮物給男友？她說：「冇呀，好忙，除咗學戲，仲要唱歌，呢個星期要演出音樂劇，要好多體力，唱live冇咪，今晚6點同9點都有演出，一個星期有8場，好攰，暈陀陀，一陣要warm up。」看來法拉在紐約生活過得好充實，希望她快回歸香港公仔箱做多點好戲給大家睇。