40歲黃伊汶剖白當年息影原因 曾與余文樂拍拖5年轟動一時
撰文：黃欣華
出版：更新：
現年40歲的黃伊汶當年憑歌曲《戒男》及《好睇》曾經贏得「性感舞后」之稱，紅極一時。直到2009年她突然息影，淡出娛樂圈，她最近在陳敏之的YouTube Channel中就剖白自己當年息影的原因以及近況。
黃伊汶稱自己大慨2009年開始淡出娛樂圈：「又出咗幾張唱片，我又覺得自己係咪可以試吓另外一樣嘢呢？當時我又搵到一隻手錶，嗰時又覺得對呢樣嘢有興趣，本身自己都係讀設計，後來就攞咗隻手錶返嚟諗住做一啲推銷嘅工作，諗住都係一次性。點知個反應比我哋預期中好，除咗買嗰批手錶之餘，又多咗人搵我哋做代理，慢慢開始就變大，之後就好努力做，做咗2、3年又覺得好似好安全好穩定，就真係開始慢慢退出娛樂圈，主力做手錶。」黃伊汶成功轉型為商人後，在2015年更被邀出任香港鐘錶業協會董事，成就受業界所認同，是一位有著藝術家情結及商業元素的青年女性企業家。
直到2019年，黃伊汶透露已經把品牌賣給別人：「（你捨得呀？）捨得，尤其做生意賣仔勿摸頭，你覺得係時候，難得有人賞識個品牌，希望帶到另外一個地方，我係完全歡迎，咁啱我又有個仔，所以從上年開始就停止咗手錶生意，呢一年開始就專心照顧我嘅大小陳生。」而黃伊汶不時亦會在IG曝光其超豪華的複式大宅，生活富貴。
點撃下圖睇富貴生活：
+15