Locker林家熙送聖誕襪畀女友kayan9896：提佢買禮物畀我

YouTube人氣頻道「試當真」成員Locker（林家熙）和有「林峯師弟」之稱的胡卓希（Jason），今日（23日）齊齊現身時裝品牌活動。問胡卓希會否上「試當真」拍片，他坦言要「問吓修爺（遊學修）先」。他又表示原本受邀上《哪裡只塞駿業里》拍攝，但當時他在內地工作：「錯失咗個咁好嘅機會。」

至於與另一人氣成員吳家忻（Jeannie、綽號為kayan9896）享受甜蜜同居生活的Locker，透露已提早為屋企佈置聖誕裝飾，但估計不會搞聖誕派對，因為女友怕執屋：「驚執屋，佢（Jeannie）。（平時都係你執屋？）分好晒，佢負責洗嘢，我負責執嘢，我乾貨、佢濕貨。（會唔會互送聖誕禮物？）我買咗好大隻襪，掛喺度。我就同佢講話：『我買咗呢個，你知唔知做咩㗎？用嚟裝禮物架！我提一提你。』咪要提佢買禮物畀我囉！」

吳家忻（Jeannie、kayan9896）靚女相：

陳卓賢唔開心會同姜濤圍爐取暖　女友盧慧敏：陪伴係最好嘅支持