曾志偉不知炎明熹因病跌倒　承諾會關心狀況：希望佢休息吓

擔任TVB 無綫總經理（節目內容營運）一職的曾志偉今天（21日）短暫現身劇集《青春本我》的慰勞宴，志偉表示希望現身和年輕人見見面，給他們一些鼓勵，然後便要離開。

Caption ：志偉希望畀多啲鼓勵年輕人。（周倪瑩攝）

而今天炎明熹（Gigi）在下午抱病出席活動，期間不慎跌倒，令粉絲相當擔心Gigi身體，志偉接愛傳媒訪問時，聽到這個消息非常驚訝，他說：「應該要休息吓，我都同佢哋講，轉變好大，由冇人認識小朋友到周街都有人識，又要返學，又好多嘢拍，又未停過。拍呢套劇都辛苦，我都同佢哋講盡量有機會都希望佢哋休息吓。」

另外Gigi外畀盛傳她會亮相今年的叱吒頒獎禮，叱咤頒獎禮轉播權在ViuTV，因此Gigi有機會成首個TVB藝人亮相ViuTV，志偉回應：「其實我覺得呢樣嘢似我哋公司藝人去拍電影，再去金像獎拎獎，咁金像獎轉播係Viu，我覺得冇所謂，我哋都唔會阻止。（睇好佢？）緊係睇好，對一個新人好鼓勵，個個新人都想拎狀元。」