「神之馬壯」孭起《馬家開飯》收視 黎諾懿：啲人叫我老婆馬太
撰文：郭敏玲
出版：更新：
黎諾懿今日出席《馬家開飯》記者會，他太太目前懷孕7個月，黎諾懿都做足晒心理準備做爸爸，透露太太會順產，BB仔的出生日期預計為4月16日。
《馬家開飯》第一集已播出，不少網民為著「神之馬壯」而收睇。飾演馬壯的黎諾懿就話拍得有啲攰：「因為馬壯有2年冇出現，又要搵返佢出嚟，佢為人又咁多嘢講，又好鐘意搞笑，有好幾次拍完，個口真係好攰。」另外亦有網民表示「馬家不死」，沒有《愛．回家》，馬家總有第二個方式出現，黎諾懿就話：「我本來都以為馬壯從此消失，但係好事呀。至少喺街啲人都仲我做馬生，仲叫我老婆做馬太。」
有網民都講到：「要劉丹出去掃街邊檔？」似乎都不太忍心。黎諾懿就話其實係劉丹主動要求去食，你知幾多煎炸、臭豆腐嗰啲啦，我哋都有撳住佢㗎啦，叫佢『梅』兩嘢就收手啦。」