神的女主角｜不可愛教主2.0首播 　Anson Lo望以正能量影響他人

《神的女主角》今晚播出最後一集，節目搵嚟幾位參賽者分享感受，大家都不約面同表示，最大嘅得著係同家人關係得到改善、團結咗，而呢個亦都係參賽前從未諗過會發生嘅事。至於節目男主角——Anson Lo（盧瀚霆）亦透露拍攝節目前，導演曾經問過佢係未就算有嘢怕，都可以照做。「我話可以，因為想比人知，就算你唔自信或者未必可克服，但都可以慢慢嚟。」之後教主又提到自己向來予人充滿正能量的感覺，但其實亦會有攰、有壓力。「我唔鍾意將負能量表達比觀眾或者係fans睇，因為呢個世界已經夠攰，如果你去追隨一位偶像，得到嘅訊息係攰或者唔開心，咁點解要去追呢？會冇咗意義，所以我希望自己係可以正能量去影響人，至於我自己嘅負能量點解決，就係同媽媽傾計。」

節目下半部，公開Anson Lo同勝出嘅參賽者鍾咏諭(Karis)一齊拍攝嘅《不可愛教主2.0》，整個MV拍攝了兩日時間，雖然Karis作為一名素人，但教主都大讚佢學嘢十分快上手，仲話見到Karis會諗起自己第一次拍劇《男排女將》時嘅畫面。

《不可愛教主2.0》MV片段