香港秘密搜查官|徐㴓喬懸崖瞓吊床冇同家人申報：實叫我唔好搏命

徐㴓喬（Asha)今日（16/11）現身馬鞍山出席人氣動漫《ONE PIECE海賊王》MOST-SWEET Seacation 聖誕啟航」主題活動。提到在ViuTV節目《香港秘密搜查官》第10集中，將會聯同「格仔導演」劉諾衡（Mike）在懸崖吊床上瞓一晚，齊齊體驗住在「空」宅的感覺，觀眾睇落相當驚險萬分。Asha笑言：「其實我都未仲同阿爸阿媽講有呢一集，因為我好相信同咗佢哋講，佢哋實話叫我唔好搵命搏。不過對我嚟講咁樣做主持係危險，但係好爽，咁所以我係覺得係好值得嘅。」

被問到公司有否為自己購買重保險？Asha表示：「應該有。不過諗返當日喺吊床上面，阿Mike每次一郁去拎嘢，我就好驚，因為張床個底唔係釘實固定咗，所以一郁係有機會反倒。不過好在佢都有肌肉嘅重量，我同佢可以互相平衡番張吊床，其實係呢15集入面，我係NG咗好多次，唔知道佢哋會唔會騷出街畀大家睇。」