湯洛雯否認馬國明買樓築愛巢說　怕變狼來了：真係結就冇人信

湯洛雯（Roxanne）周六（13日）以嘉賓身份出席無綫（TVB）新遊戲節目《麻雀鬥室三決一》拜神儀式，提起男朋友馬國明日前受訪時承認正在物色將來結婚的新居，靚湯就表示男友只是抱持投資心態：「我識佢第一日已經係比較鍾意睇樓市，佢本身就好有興趣投資，其實冇特別，一齊住用或者買嚟放租都唔出奇。」

至於結婚傳聞甚囂塵上，靚湯自己會否也會期待男朋友的驚喜，她表示：「其實每個女仔都會想有啲神秘感，所以我希望大家唔好催太多，當我嘅思維覺得呢件已經唔係新鮮事，都驚自己冇咗驚喜嘅感覺，都知道大家關心我哋，但係我都希望可以保持神秘感、唔好提咁多，我又要否認再否認，到時可能真係結就冇人相信我哋，好似《狼來了》咁。」