全民造星IV丨大熱Candy輸俾靚女Ivy 網民鼓譟：入唔到女團就罷睇
撰文：張國基
出版：更新：
ＶiuTV真人選秀節《全民造星IV》今晚（8日）一集有兩大靚女Ivy So（蘇雅琳）對王家晴（Candy）在第一輪就直接比拼。早前公布入圍相之後，Candy已被大量網民洗版捧為大熱之選，而Ivy So就憑住活力，迷倒一眾幕後，雖然花姐對兩位女生劣評不斷，不過網民睇完今集即揚言：「如果最後呢兩個入唔到女團，我以後罷睇ViuTV！」
只得19歲的Candy在面試時已迷倒許廷鏗，狂讚：「你把聲好聽，你個笑容好睇。」入圍評語甚至有人寫：「清純可愛，應該成為女團成員之一。」至於20歲的Ivy So都天生靚樣，面試已獲導演Himtos問「多唔多人追你？」
不過無論Candy或Ivy So，在綵排時都被花姐批評得體無完膚，鬧喊兩位女生，花姐直面指Candy：「聽講你係大熱，但你依家乜都唔識，我睇唔起憑樣入圍嘅人。」Candy即答：「我都睇唔起。」至於Ivy So即被花姐形容：「跳到似癲婆，周邊啲人話你幾可愛都好，唔得！」到正式表演，許廷鏗指Ivy So浮聲：「即係同浮屍差唔多。」今輪之後Ivy成功進入下一輪。
點擊睇更多Candy同Ivy So靚相：
+9