陳凱琳坦言迷戀鄭嘉穎夠靚仔　惹老公不滿：年紀再大啲唔靚仔咁點

陳敏之的YouTube頻道節目《Chi Chat》最新一集就繼續有好友陳凱琳（Grace）做嘉賓，Grace更激罕自爆於加拿大時的一段情史：「我喺餐廳做嘢，之後識咗個男仔，啱啱識都有Dating，都未正式話係男朋友，但我都幾鍾意佢嘅，有日佢就話想煮餐飯畀我同媽咪食，跟住我媽咪就應承啦，去到餐廳都好期待，咁佢着住廚師衫，咁佢將個袖摺上嚟，佢兩邊手都有紋晒身，媽咪真係好似電視嗰啲，但又唔敢出聲，但之後識到佢個人之後就覺得都冇咩嘢嘅，只不過有紋身啫。」

而Grace亦在節目中自認迷戀鄭嘉穎：「我真係最鍚係我老公，所以啲人話我好迷戀我老公，其實我真係幾鍾意佢。我有時講佢（靚仔），佢會話你可唔可以唔好再咁樣講？佢覺得外貌唔係永遠，所以佢覺得如果你依家真係淨係鍾意我個樣，到我真係年紀再大啲唔靚仔咁點，我話你靚仔，但我冇話淨係鍾意你靚仔，雖然都係大部分。」

點擊下圖看Grace一家人的靚相︰