隱形戰隊｜阮浩棕遭網民諷靠嫲嫲梁舜燕人脈先有劇拍：我控制唔到
撰文：吳子生
出版：更新：
無綫藝人阮浩棕（Nicholas）今日（29/10）現身油塘私人屋苑為無綫新劇《隱形戰隊》開工拍劇。提到是已故資深演員「上等人」梁舜燕孫仔，在工作方面能否為自己帶來方便：「其實我覺得唔多唔少都有嘅，起碼認識我嘅人記得我係梁舜燕孫仔，咁其實呢一樣嘢對我嚟講有好大嘅幫助。（有網民指你靠嫲嫲關係先多嘢做！）我覺得呢一樣嘢我係冇得介意嘅，因為對方點睇我係控制唔到，而且最緊要係我自己做得到先係重要，千祈唔好辜負給機會你嘅人。」