《東張》主持何沛珈靠「洗腸」　兩個月極速修身變女神：瘦咗13磅

《東張西望》外景靚女主持何沛珈（Roxanne）今日（28/10）現身銅鑼灣出席《星光熠熠耀保良》記者會。提到近期狀態大勇，身形比參賽港姐選舉時期還要Fit爆，人變得越來越美艷動人。Roxanne表示：「其實之前我水腫難分，成日好怕飲水，驚飲咗水之後會水腫，上鏡會唔好睇，搞到便秘問題越來越嚴重。但後來教練提議我去洗腸，於是就去咗做，做咗之後發覺身體好咗，水腫都開始減退，身材都變得窈窕。我之前每星期洗一次腸，而家兩個月，我瘦咗13磅。哈哈！靚女都會放屁嘅。不過而家我食嘢都會盡量清啲，都會食生果，。所以排出來啲糞便都乾淨啲冇咁多臭味。」