節目巡禮2022｜C君幫J2年紀大反擊　幕前平均25歲：呢鋪開細

無綫今日（22日）在電視城舉行節目巡禮，早前獲邀出任J2台創意總監的C君，與王祖藍一樣，為自己台介紹節目，同樣精彩有金句，又大叫新口號「J2呢鋪開細」，似乎有意反駁年紀大的指控。

C君一上台就說 ：「我係J2最大嗰個，唔係職位，係年紀呀！」C君指自己36歲才第一次做監製，比韋家輝遲了十年：「所以我請咗好多年輕人。」又即場挖角：「嚟丫你，只要你節目好睇，你就係節目總監。」 C君又刻意提到年齡，大螢幕顯示J2平均幕後年齡係28歲，但C君講笑：「主要係畀我拉高咗。」C君又讚幕前後生仔可愛，拋金句：「佢哋心頭高，但收費低，想頭大，但年紀細。」然後為J2台平反：「自從冇咗6號同阿Bob之後，平均年齡係25歲！」然後多謝一班幕前：「其他地方你哋可能做路人，做清兵，但你哋喺我心目中係台柱。」C君強調細字，連番說：「畀空間我哋細細哋玩，細細地玩先可以一舖又一鋪，細水長流。」大叫新口號「J2 呢鋪開細」