譚俊彥墮電騙陷阱　騙徒冒認Netflix損失8千：銀行話查唔到都要畀

譚俊彥（Shaun）今日（15/10）現身電視城出席無綫台慶劇《玩命真相》宣傳造勢活動。Shaun透露昨日墮電騙陷阱，收到聲稱是Netflix的電話短訊，指自動付款失敗，帳戶將會暫停，請按指示點擊連結並輸入資料：「前一晚我出席完《廉政行動》煞科宴，第二朝個頭有啲暈暈地，而且我媽咪係用呢個戶口睇Netflix，我係好驚佢會睇唔到，怕佢會係咁打嚟搵我，於是我就心急就㩒咗落去，就咁中咗招。」

Shaun續說：「其實當我輸入咗信用卡背後嗰三個安全碼之後，唔夠一分鐘，我就覺得唔對路，即刻登入Netflix度睇，但又冇事，於是即刻打去銀行取消咗張卡。不過銀行個邊就話查唔到都要畀嘅嗰8千蚊嘅，但我都決定唔畀。」