星空下的仁醫｜周家怡相隔9年「回巢」TVB：馬國明好似唔識老咁！

無綫台慶劇《星空下的仁醫》下周一開播，主演除了有兩大視帝鄭嘉穎和馬國明外，還有鍾嘉欣、周家怡及羅子溢等一班好戲之人，尤其是周家怡，更是自2012年《On Call 36小時》後再次回到TVB拍劇，感覺熟悉又有新鮮感。

今日（14/10）周家怡出席劇集宣傳活動時，接受《香港01》訪問時說：「冇咩特別大分別，都係外判，因為我同方浤酌（前名：方俊華）、潘漫紅之前都合作過，所有今次都好期待再次合作。因為好耐冇見，所以見返佢哋（其他演員）都好開心。」

她續說，雖然與馬國明和鄭嘉穎多年沒見，但仍然覺得他沒什麼大分別：「佢哋好似唔識老咁！同埋以前認識嘅佢哋，好似十幾年前嗰時見咁，（特別係）返到去錄影廠嘅時候，伯記得自己喺呢度（工作）好多年嘅地方。」

周家怡以部頭或合約與TVB拍攝《星空下的仁醫》，同時間又與ViuTV拍攝新劇《反起跑線聯盟》，會不會擔心有衝突？她回答：「演員都係希望拍啲好劇本同有好對手，其實都冇乜驚，都唔會一齊播，因為《反起跑線聯盟》都仲係拍緊。」