梁詠琪拍ViuTV新劇演怪獸級虎媽　隔15年回歸電視勁有新鮮感

ViuTV原創劇《反起跑線聯盟》講述一班拒絕成為怪獸家長的父母與要求子女贏在起跑線上的「虎爸虎媽」在校園內展開一場理念之爭。劇集由劉偉恒(Benny)執導，他於2015年就曾執導電影《王家欣》。雖然他之前為不少作品擔任過編劇和導演，但執導電視劇卻是新挑戰。

主角方面，據維基百科顯示，有周家怡、李炘頤（Alina）以及強尼。之不過，原來《反起跑線聯盟》搵嚟梁詠琪助陣，梁詠琪近年主力發展唱歌及電影，對上一次拍劇已經係06年嘅TVB《老馮日記》(以客串形式），據悉詠琪今次喺新劇中除咗會係一名虎媽之外，仲會搭檔強尼做夫妻，呢個組合絕對係充滿新鮮感！而她在9月時曾在IG上載劇本照片，並寫上「新挑戰」，之後亦曾發文表示：「究竟背邊樣難D（啲）呢？對白定歌詞？」。而《反》演員陣容仲包括袁富華、潘燦良、練美娟、肥仔@ERROR、陳欣妍等，劇集九月開拍至今，已完成一半。

同場加映：梁詠琪自爆屋企擁私人陶瓷室　作減壓之用：會入去放鬆自己