鄧麗欣38歲生日唔約男仔 怕畀人影到：我不嬲比較佛系

鄧麗欣（Stephy）今天（12日）出席時裝品牌活動，不過撞正打風，Stephy坦言是相當擔心：「我今朝起身就問會唔會取消，好擔心大家出唔出到嚟，但好彩都冇咁快打。」

最近香港經常打風，Stephy都是留在家中，不過在家中她表示都非常忙碌：「我會睇劇本，又準備一啲角色嘢，其實我變態啲，因為拍個套戲要沉重啲，我搵好多呢類型戲睇。（打風都冇得休息好慘）其實冇話好慘，經過疫情呢一年，大家有工開係感恩。」

新加坡媒體發展管理局（IMDA）主辦的亞洲學院創意獎（Asian Academy Creative Awards）上周公布各個亞洲國家及地區大獎入圍名單，鄧麗欣憑劇集《男排女將》成為香港區最佳女主角，得到這獎項連本人也說非常意外：「自己都冇諗過電視劇上會得到肯定，拍到一個自己鍾意題材，得到呢個獎項真係Bouns。」

10月15日便是Stephy的38歲生日，當天Stephy並沒有安排什麼慶祝活動，生日願望笑言也不會是要一個男朋友：「生日冇乜特別，冇大心情慶祝，我不嬲比較佛系，好多嘢都唔特別強求。（男仔約你你都唔出？）廢事畀人影嘛，講笑啫，冇特別要去約男性朋友。」