與前經理人公司打官司 江若琳休庭匆忙離開法院：有突發事要處理

Elanne江若琳（原名江玲）與前經理人寰宇合約官司案件，今日（4/10）於金鐘高等法院開庭聆訊，預計審訊至本月19日會有裁決。今早約9時15分原告人寰宇老闆林小明乘車先抵達法院，隨後Elanne則由丈夫蕭唯展陪同下現身法庭。未開庭前，雙方律師團隊人員在法院內的會議室開會商討對策，現場氣氛凝重。甫開庭，雙方律師就案件陳述期間，坐在旁庭席前排第一行的Elanne全程同丈夫蕭唯展十指緊扣住神情表現緊張，反觀另一邊廂的林小明卻表現輕鬆，不時東張西望。

到中午散庭後，Elanne匆忙離開法院，被問到所為何事？她表示：「我哋有啲突發事要處理，未必會返嚟，要睇吓啲嘢做唔做得切，咁所以我哋真係唔知，你哋不如收工先。（係咪文件唔齊？）唔係，辛苦晒。」下午開庭續審，仍未見Elanne歸位，只得其丈夫蕭唯展一坐在庭內旁聽席原位聽審，而庭內亦未見林小明蹤影。案件明天續審。

案件編號HCA 1225/2014