愛回家丨利愛安「佛祖」造型獲TVB認證　為融入譚家埋下伏線

「東涌羅浩楷」利愛安（Kirsten）因為參選港姐時造型酷似佛祖而爆紅，早前簽約無綫（TVB），更在劇集《愛回家之開心速遞》演出，在1330集首次出場。昨晚（3日）第1375集再次出現，今次成為主要角色，在譚道德家中演實習傭人，串起整集故事。

今集譚家請工人，節目有心向佛祖造型抽水，故事講述陳榮峻飾演的譚道德因為Kirsten的佛祖外型而給予實習機會，又不停向Kirsten灌輸中國文化，同一時間，譚太妒忌Kirsten從中作梗趕出門，爭執之中令Kirsten有極多鏡頭。其實Kirsten在今集中有大量中文對白，不諳中文的她除了有中文對答，更學識背李白的《靜夜詩》，睇得出努力配合節目，不過節目最終沒有安排Kirsten融入譚家成為常駐角色，但譚家老是常出現，下次要再出場相信故事都不會太難寫。