敗者重生戰︱趙學而擔任導師　預咗會鬧學員：最唔鍾意人冇禮貌

趙學而今日（22/9）以導師身份到北角出席選秀節目《敗者重生戰》開鏡拜神儀式，她接受訪問時表示：「我作為導師，除咗指導一班參賽者喺唱歌同演戲方面之外，我諗我會用我嘅能力去調整佢哋嘅心態，不論輸贏，最緊要係指導佢哋用咩態度去面對，呢個先最為重要。（參賽者做得唔好，唔會唔鬧？）呢個肯定會。因為我覺得近年嘅年青人係缺乏基本禮貌。首先我喺度單聲先，我最唔鍾意人哋冇禮貌，打招呼呢樣嘢係基本事，如果冇嘅話一定會扣印象分。尤其喺我哋呢行，係群體性工作，咁所以人際關係係好緊要。如果對方認為冇問題，咁我就好難幫到佢。」